AmAn
Admin
Number of posts: 428
Reputation: 0
Registration date: 2008-10-20
Age: 24
 |  Subject: k main teri zindagi raha hoon  Mon Sep 21, 2009 7:40 pm | |
| Agarchay main ik chataan sa aadmi raha hoon
Magar tere baad hosla hai k ji raha hoon
.
.
Woh raiza raiza mere badan mein utar raha hai
Main qatra qatra ussi ki aankhon ko pi raha hoon
.
.
Teri hatheli pe kiss ne likha hai qatal mera
Mujhe tau lagta hai main tera dost bhi raha hoon
.
.
Khuli hain aakhain magar badan hai tamaam pathar
Koi bataaye main mar chuka hoon k ji raha hoon
.
.
Kahan milay gi misaal meri sitamgari ki?
K main gulabon k zakhm kaanton se si raha hoon
.
.
Na poochh mujh se k shehr waalon ka haal kiya tha
K main tau khud apnay ghar mein bhi dau gharri raha hoon
.
.
Mila tau beetay dino ka sach us ki aankhon mein tha
Woh aashna jiss se muddaton ajnabi raha hoon
.
.
Bhula day mujh ko k bewafaai baja hai lekin
Ganwa na mujh ko k main teri zindagi raha hoon
.
.
Woh ajnabi ban k ab milay bhi tau kiya MOHSIN
Yeh naaz kam hai k main bhi us ka kabhi raha hoon...!!! |
|
